Saturday, September 3, 2011
KIA,Masat (3) Dapdung ginra hta gasat gala byin
Tuesday, August 30, 2011
Kachinland news web nnan shachyen ya dat ai.
![](https://blogger.googleusercontent.com/img/b/R29vZ2xl/AVvXsEhr9QAX9K6DTfTuJGnZxuFVf0gJrVjBRQHLRXVOrtihNk6ODvhRFOtxjixyOH0Eztoy2wljI3zKlnHPBgSWCYZVW-HYbjc7SdRuwWkTQZqOq7ZB12NaLoovZnP437nRqK4APB70p5RPfvE/s320/Kachin+Land+News-1.jpg)
Ndai web. hta buga ginra shiga ni hpe madung mara ya nga ai lam mu lu ai. Myit lawm ai ni http://www.kachinlandnews.com/ kaw shang hti yu ga.
Sunday, August 28, 2011
KIA hte Myen Dap ni Majan byin
![](https://blogger.googleusercontent.com/img/b/R29vZ2xl/AVvXsEi6Mech5chAAknMHpLYGrgX1uo2sQ9CXt_z-1ZsEl2tZzfhyh_NqKBoZutS6gVPzcsc88hrsVR7x7vNyu05ZxO21o1nZBR4ZFvFpQgkJf67u9HE8XPRknZuTPPtG-4PrGmpwvLnTGXe9zU/s320/lungja.jpg)
Myen Asuya, Hpyen Dap ni kaw nna Lungja Kung Post de sinat kaba ni rau gap sharut bang taw nga ai lam mung chye lu ga ai. KIA hpyen dap kaw nna mung laja lana ninghkap gasat nga ding-yang re ai hpe shiga na lu ga ai. Ndai hpyenman de Myen Asuya, Hpyen dap ni Manmaw hku nna, Hk.L.Y (47) dapdung ni madung shang htim nga ai lam hpe mung chye lu ai. Ndai majan hta Hk.L.Y (47) na Myen Asuya, Hpyenla marai 4 si hkrum ai hte marai 10 jan hkala hkrum ai lam chye lu ai.
Myen Asuya Gumsan Magam Theing Seing kaw nna Myen Mungdan dinghku simsa lam galaw sa wa na re nga nna ga dat nga ai ten hta ndai zawn Myen Amyu sha n re ai, laga hpunau Amyu sha ni a ginra de Myen Asuya Hpyen Dap kaba a laqba n-gun hte htim gasat nga ai lam gaw ding-yang rai nga ai. Dai majaw laga hpunau Amyu sha Rawt Malan Hpung ni a matu mungdan dinghku simsa lam hpe jet ai tengman simsa lam masa hku mu mada na matu yak nga ma ai.
Padang Hkrunlam Majan Masing Sanglang Hpawng galaw
![](https://blogger.googleusercontent.com/img/b/R29vZ2xl/AVvXsEjd63DDOtrzDLrVI10f75PHsI85nY3-Pwl13ycxI6T8sQBCTxvF84pJEFDnzSKtRl13uJQt5hJaR000ozkgUyrqq4tRRHJ6Md8XINqugKshW710y6hUiJ2KfldNJfhOcRg__jBx8lAlkY8/s320/padang1.jpg)
Tuesday, August 23, 2011
Theology of Warfare
Tsawra hkunnga ai, amyu sha ni a ningbaw ningla, magam gun kaji kaba, mungchying shawa yawng hpe majan byin ra ai Karai Masa a npawt nhpang tsun shana let, n-gun jaw mayu nngai.
Abraham hpe Karai Kasang hku nna, lamu ga (Hkanan Mung) madu la na matu tsun ai shaloi, dai Hkanna Mungdan e shanu nga ai Hkanan amyu sha ni gaw, matu n kadoi ai (Karai Kasang hpe n chye ai, n hkru n hkra galaw ai ni re.) majaw yawng hpe atsai awai shamyit ai hpang, lamu ga hpe madu la na matu tsun sai re. Raitim, shawng nnan na Hkawhkam Shawlu gaw ndai lam hpe n hkan shatup ai majaw hkawhkam arawng kaw na hkring sa ra mat nu ai.
Israela amyu ni a asak hkrung labau gaw, Hpyen gasat ai sak hkrung lam re majaw daini kaji ai mungdan raitim, dan dawng ai amyu byin tai wa sai labau rai nga ai.
Majan byin ra ai Karai Masa hpe lawu na the maren mu lu ai.
1. Karai Kasang anhte Jinghpaw Wunpawng myusha ni hpe jaw ai atsam marai hpe garang shadai let, Karai Kasang e n tsaw n ra ai amyu, masu magaw chye ai amyu, n teng n man ai bungli galaw ai amyu hpe jasan kau lu na matu, (Matu n kadoi ai) amyu ni anhte a lamu ga hpe n madu shangun na matu;
2. Anhte Wunpawng amyu ni mung Karai Kasang e lata la sai amyu rai nga sai majaw, Karai Kasang e kam ging ai amyu jet tai lu na matu;
3. Anhte hpe Karai Kasang jaw da ai lit gaw, shi a mungdan gawgap na the shi hkai da ai tengman ai nli tum, bawngring shangun ai nli tum hpe tu kaba shangun ai hte ndain li tum the mungkan hpe dawjau lu na matu, Survival – Prawn lu na matu;
4. Anhte Wunpawng amyu sha ni a myit jasat, myit su, myit gawp ai lam gaw, mungkan madang dep lu ai amyu re. Ndai madang hpe ninghkap ya ai, ban hkum ya ai Myen Hpyen Asuya hpe jasan kau lu na matu re majaw, ya yang dutdang ai masa ni nga ai raitim, anhte a hkye la Madu Karai Kasang Yesu Hkristu, Chyoipra ai Wenyi anhte yawng hpe zinlum nga ai, bau maka nga ai re majaw, n-gun la let shakut sa wa ga; akyu hpyi shaja nga ga ai.
Majan ngu ai gaw anhte a matu reng ai amyu, greng ai amyu, amyu hpe pawnba lu ai amyu rai nga sai lam, mungkan de ndau shabra ai lam re, ngu hkam la ga ai. Majan naw anga nga dingsa, myit mada shara naw nga ai lam rai nga ai.
(Ya aten e shiga hta shabra nga ai lam mahkra gaw shanhte a mawlanyet hpe shadan dan ai lam sha rai nga ai.)
Malihku (KICA)
Wednesday, June 1, 2011
Hpyen Du Shalat Jawng, Masat Yan (5) Jawng Hpaw Poi
![](https://blogger.googleusercontent.com/img/b/R29vZ2xl/AVvXsEjG2PGCi3QU5MdC-yfC2Z4hsk_GPgePHBNM_fBzgC5g7pILN2sMLXl-dMfH19mrMu3458UmoHcMcBgvzEONtdBm5TGo_Oy6j-TUSvfx6sQsMXi_mSn9DPc3CNWr7HYcM802sFmgHGEp8JE/s320/1.jpg)
Wunpawng Mungdan, Shanglawt Hpyen Dap kaw nna Woi-chyai bum ntsa kaw hpaw da ai, Hpyen Du Shalat Jawng a masat yan (5) hpaw poi hpe 2011 ning June praw 1 ya shani galaw lai wa ai re.
![](https://blogger.googleusercontent.com/img/b/R29vZ2xl/AVvXsEhURSGiwnPM2jD_LaKQNhq7-9o95_hyPM0ZbcuQH8WFgc0zaMDSraDJOxi3k9s0mBxIpH5qXfn1Kh43nTKUC73Z7ldiB4gf0nrTROzZ2W1GwjryBAJla0g69CW3FjclTcOqQf9_oLiJrj0/s320/2.jpg)
Ndai Wunpawng Mungdan, Shanglawt Hpyen Dap, Hpyen Du Shalat Jawng hpe 2005 March 24 ya shani kawn hpaw hpang nna, ya ten, Masat Yan (4) du hkra sharin shalat dat lu sai hte ya matut nna masat yan (5) hpe hpaw hpang dat ai re lam chye lu ai.
Sunday, May 29, 2011
Shagrau masat nngai.
![](https://blogger.googleusercontent.com/img/b/R29vZ2xl/AVvXsEiU7c63PlecWCc7oEeOHZ4L-foCvXw80DnWhmlGtMjJebIuMrhihq4bKfrhJ9g2PRR1tAVIXT09334n0uokavE1N88rEivTTgkj4M6QRE_c2g_72z4xNNk9YZFCZ79JQuip79x6XPLEPpU/s320/sumla.jpg)
Wednesday, May 18, 2011
Hpyen masa tsaw dik sadi maja ladaw masat
![](https://blogger.googleusercontent.com/img/b/R29vZ2xl/AVvXsEiUEx4dt_RouWTDi_0DyPKPH-NMywE3a5YnihNCmW0uHKfg9TaMelus8AlOVkgAx_QEIy-8X-hr87gLEqZY3F7Sk0Mb5FJa_NpxaffwYEb9CYV_p85_1yjx_fylwYVdDOxN8WsI7wUhhBE/s320/bbb.jpg)
Wednesday, April 27, 2011
KIA Ninggawn Daju hta Gatsun Shingjawng Lamang galaw
![](https://blogger.googleusercontent.com/img/b/R29vZ2xl/AVvXsEhTLOcSlMgHqta3Dh8k3SohgprxCJgBhu7C70MTZumyuQncl_NdBpNXUkxQYEpPf5ItEjoRkCbSWf2GieNtZVDH0mArJ9FHcnG94NYi4P4-bYQn0yq5WpWggpAtlEV4ctVhWGz4hJ2lc8s/s320/kachin.gif)
April 24 (Majoi) ya shana, Alen bum, Hpungmai gawknu kaw Ninggawn Daju, Hkristan Ginlung Ramma Komiti kaw nna woi-awn let, "Greng grak ai magam gun kaja byin tai wa lu na matu, Arung arai hta Akyang lailen gaw madung re" ngu ai gabaw hte ga-tsun shingjawng lamang galaw ai lam chye lu ga ai.
Ndai lamang hpe shawng nnan, Ninggawn daju hpung woi sara, Sara Dashi La Htoi kaw nna hpawng ap akyu hpyi ya ai. Bai Ninggawn daju, Hkristan ginlung ramma komiti ningbaw Du-up Pawm Mung Ra hkalum ga tsun let lamang hpe hpang wa ai.
Ninggawn daju, magam dap, makan dap kata hta magam gun nga ai, ramma shayi shadang sha ni yawng, greng grak, zetlet kunghpan ai ramma magam gun ni byin tai wa lu na hpe yaw shada galaw ai lam re chye lu ai.
Ndai ga-tsun shingjawng lamang hta ga-shawn maga de, Du Nsai Mung Gawn (Zai Ninggawn Rung), Lat Du La Seng (Dabang camp), Lat Du shadan Naw Awng (Dailawn Rung), Gyi Jum Nhkrai Tu San (Ginjaw Hkamja Dap) ni hte ga-htau maga de Du Gawlu Tu Lawt (Dailawn Rung), Du-tau Kaja Ja Tu (KIC), Gyi Lasi Roi San (Hpyen Tsi Rung), Salang kaba Sumlut Brang Tawng (DGA) ni shanglawm shingjawng ma ai. Dai hta Ga-shawn ni lu ai masat 1389 hpe Ga-htau ni masat 1412 rau dang ai lam chye lu ga ai.
Myen Amyu sha Kaichyan Hpung (NIB) hpaw hkyen
Myen Amyu sha Kaichyan Hpung (NIB) hpaw na matu Myen Gumsan Magam U Thein Seing woi-awn ai, amyu sha shimlam kong-si kaw nna tara shang ahkaw ahkang jaw da sai hte madung hku nna, Makawp Maga Hkringmang Dap, Jarit Mayan masa Hkringmang Dap, Mungchying Uphkang Hkringmang Dap, Hkringmang Dap 3 hte ginrun hpaw shabawn na re lam, ra wa ai hta hkan nna, laga hkringmang dap ni hpe mung Amyu sha Kaichyan Hpung (NIB) hte ginrun sa wa ra na re lam chye lu ai.
Ndai Amyu sha Kaichyan Hpung (NIB) hpe Gen. Min Aung Hlaing nan jum reng sa wa na rai nna, Amyu Sha Shimlam kong-si npu kaw tawn da na re lam hpe mung chye lu ga ai.